भारतीय अंतराळ संस्थेच्या (इस्रो) ‘एलव्हीएम३’ या सर्वांत मोठ्या प्रक्षेपकाच्या मदतीने ब्रिटनस्थित ‘वनवेब ग्रूप कंपनी’चे ३६ इंटरनेट उपग्रह प्रक्षेपित करण्यात आले. इस्रोची व्यावसायिक शाखा असलेल्या ‘न्यू स्पेस इंडिया प्रा. लि.’ची ही दुसरी यशस्वी मोहीम आहे.
इस्रोची ही व्यावसायिक मोहीम काय आहे?
इस्रोने इतिहास रचत २६ मार्चला सकाळी ९ वाजता ‘एलव्हीएम३’चे यशस्वी प्रक्षेपण केले. हे इस्रोचे सर्वात वजनदार प्रक्षेपण यान असून त्याच्या मदतीने ब्रिटनच्या ‘वनवेब ग्रूप कंपनी’च्या ३६ उपग्रहांचे यशस्वी प्रक्षेपण केले. कमी उंचीच्या कक्षेत एकूण ७२ उपग्रह प्रक्षेपित करण्यासाठी इस्रोने ब्रिटनच्या नेटवर्क ॲक्सेस असोसिएट्स लिमिटेड (वनवेब ग्रूप कंपनी) यांच्याबरोबर करार केला आहे. ‘एलव्हीएम३-एम/ वनवेब इंडिया-२’ अशी ही मोहीम आहे. या मोहिमेतील पहिले ३६ उपग्रह गेल्या वर्षी २३ ऑक्टोबरला प्रक्षेपित करण्यात आले, तर उर्वरित ३६ उपग्रह दुसऱ्या टप्प्यात २६ मार्च रोजी तमिळनाडूतील श्रीहरीकोटा येथील सतीश धवन अंतराळ केंद्राच्या तळावरून प्रक्षेपित करण्यात आले. उड्डाणानंतर प्रक्षेपणास्त्राने सर्व उपग्रह क्रमाक्रमाने त्यांच्या नियोजित कक्षांमध्ये प्रस्थापित केले. हे उपग्रह नियोजित कक्षांमध्ये स्थिर झाले असून त्यांच्याशी संपर्कही प्रस्थापित करण्यात आला आहे. त्यामुळे या व्यावसायिक मोहिमेची यशस्वी सांगता झाली.
‘एलव्हीएम३’ या प्रक्षेपण यानाचे वैशिष्ट्य काय?
‘एलव्हीएम३’ हे इस्रोचे महत्त्वपूर्ण प्रक्षेपण यान आहे. या प्रक्षेपण यानाची उंची ४३.४३ मीटर उंच असून त्याचे वजन ६४४ टन आहे. हे प्रक्षेपण यान आठ हजार किलोग्रॅम वजन पेलण्यासही सक्षम आहे. हे भारताचे सर्वांत वजनदार प्रक्षेपण यान आहे. त्याचे तीन स्तर आहेत. या प्रक्षेपण यानाच्या माध्यमातून इस्रोने ५ जून २०१७ रोजी सतीश धवन अंतराळ केंद्रातून ‘जीएसएलव्ही एमके३’ची पहिली कक्षीय चाचणी यशस्वी प्रक्षेपित केली होती. आता झालेले ‘एलव्हीएम३’चे हे सहावे प्रक्षेपण होते. २०१९ मध्ये चांद्रयान-२चे प्रक्षेपणही याच प्रक्षेपणास्त्राद्वारे झाले होते. आता कमी उंचीच्या कक्षेत (लो अर्थ ऑर्बिट) अनेक उपग्रह प्रक्षेपित करण्याची क्षमता प्रदर्शित केली आहे. या प्रक्षेपण यानात नजीकच्या काळात अनेक सुधारणा करण्यात आल्या असून मानवी मोहिमांसाठी ते अधिकाधिक उपयुक्त करण्याचा मानस इस्रोने व्यक्त केला आहे. भारताची ‘गगनयान’ ही महत्त्वाकांक्षी मानवी अंतराळ मोहिमेसाठी हे यान उपयुक्त ठरणार असल्याचे इस्रोने म्हटले आहे.
इस्रोच्या या मोहिमेमुळे आर्थिक लाभ किती?
या मोहिमेमुळे केवळ इस्रोचे महत्त्व वाढले नाही तर या भारतीय अंतराळ केंद्राला एक हजार कोटी रुपयांची कमाईही झाली आहे. अंतराळ क्षेत्राच्या अर्थसंकल्पावरील संसदीय स्थायी समितीच्या अहवालात नमूद करण्यात आले आहे की, २०१९मध्ये तयार करण्यात आलेल्या इस्रोची व्यावसायिक उपशाखा असलेल्या ‘न्यू स्पेस इंडिया लिमिटेड’च्या कमाईत वाढ झाली आहे. अहवालानुसार २०२१-२२ मध्ये १,७३१ कोटी रुपयांची कमाई झाली असून २०२३-२४ मध्ये ती ३,५०९ कोटींपर्यंत वाढविण्याचा प्रयत्न केला जाणार आहे.
पगारदार नोकरवर्गासाठी केंद्र सरकारनं एक महत्त्वपूर्ण निर्णय घेतला असून त्यानुसार कर्मचाऱ्यांच्या पीएफ रकमेवरील व्याजदरात वाढ करण्यात आली आहे. फायनान्शिअल एक्स्प्रेसनं यासंदर्भातलं वृत्त दिलं आहे. यासंदर्भात ईपीएफओच्या सेंट्रल बोर्ड ऑफ ट्रस्टीज अर्थात CBT ची दोन दिवसीय बैठक २७ मार्च रोजी आयोजित करण्यात आली होती. या बैठकीमध्ये यासंदर्भातला निर्णय घेण्यात आल्याचं या वृत्तात म्हटलं आहे. याबाबत बैठक संपल्यावर केंद्र सरकारकडून अधिकृत पत्रक जारी करण्यात येणार आहे.
किती झाली वाढ?
कसे बदलले व्याजदर?
नव्या व्याजदरानुसार खात्यांमध्ये कधी जमा होणार रक्कम?
पेन्शनमध्येही वाढ होणार?
टोक्यो ऑलिम्पिक स्पर्धेत ऐतिहासिक सुवर्णपदक पटकावणारा भालाफेकपटू नीरज चोप्रा आणि पॅरा-बॅडिमटनपटू प्रमोद भगतला पद्मश्री पुरस्काराने सन्मानित करण्यात आले.
नवी दिल्ली येथील राष्ट्रपती भवनात झालेल्या सोहळय़ात राष्ट्रपती रामनाथ कोिवद यांच्या हस्ते नीरज आणि प्रमोदला देशाचा चौथा सर्वोच्च नागरी पुरस्कार प्रदान करण्यात आला. नीरज आणि प्रमोद यांनी अनुक्रमे टोक्यो ऑलिम्पिक आणि पॅरालिम्पिक स्पर्धामध्ये चमकदार कामगिरी केली होती.
ऑलिम्पिकमध्ये वैयक्तिक सुवर्णपदक जिंकणारा नीरज हा नेमबाज अभिनव बिंद्रानंतरचा केवळ दुसरा भारतीय क्रीडापटू ठरला होता. दुसरीकडे ३३ वर्षीय प्रमोद पॅरालिम्पिकमध्ये बॅडिमटन क्रीडाप्रकारात सुवर्णपदक जिंकणारा पहिलाच भारतीय खेळाडू होता.
गोवा विधानसभेच्या नुकत्याच झालेल्या निवडणुकीत ४० सदस्यांच्या सभागृहात २० जागा जिंकणाऱ्या भाजपचे नेतृत्व करणारे आणि तीन वेळा आमदार म्हणून निवडून आलेले प्रमोद सावंत यांचा सोमवारी पंतप्रधान नरेंद्र मोदी व इतर मान्यवरांच्या उपस्थितीत दुसऱ्यांदा राज्याचे मुख्यमंत्री म्हणून शपथविधी झाला.
पणजीनजीकच्या बांबोलिम येथील डॉ. श्यामाप्रसाद मुखर्जी स्टेडियमवर झालेल्या समारंभात राज्यपाल पी.एस. श्रीधरन पिल्ले यांनी सावंत यांच्यासह भाजपच्या आठ आमदारांना शपथ दिली. १० हजाराहून अधिक लोक या कार्यक्रमाला हजर होते.
पंतप्रधान नरेंद्र मोदी, केंद्रीय मंत्री नितीन गडकरी व श्रीपाद नाईक, भाजपचे राष्ट्रीय अध्यक्ष जे.पी. नड्डा, मूळचे गोवेकर असलेले हिमाचल प्रदेशचे राज्यपाल राजेंद्र आर्लेकर, गोव्याचे निवडणूक प्रभारी असलेले महाराष्ट्राचे माजी मुख्यमंत्री देवेंद्र फडणवीस आदी उपस्थित होते.
कोविड-१९ चा प्रसार रोखण्यासाठी सरकारने अनेक मोहिमा राबवल्या होत्या. ही मोहीम म्हणजे सावध करण्याचा, सतर्क करण्याचा, खबरदारी घेण्याचा आणि इतरांनाही वाचवण्याचा प्रयत्न होता. यातील एक प्रयत्न म्हणजे करोनाची कॉलर ट्यून. जेव्हा आपण दुसऱ्या व्यक्तीला कॉल करतो तेव्हा तेथून प्री-कॉल ऑडिओ ऐकू येतो.
या ऑडिओमध्ये तुम्ही स्वतःला आणि इतरांना करोनापासून कसे वाचवू शकता हे सांगितले आहे. यामध्ये खबरदारीची माहिती देण्यात आली आहे. पण लोकांना विचाराल तर ते या गोष्टीला कंटाळले आहेत आणि प्रत्येक वेळी तेच ऐकतात असे सांगतात. तुम्हाला फोन लवकरच आपत्कालीन स्थितीत ठेवायचा असेल, तर पूर्ण ऑडिओ वाजल्यानंतरच तो वाजतो. आता सरकार ही अडचण दूर करणार आहे. प्री-कॉल ऑडिओ लवकरच बंद होणार आहे.
वास्तविक सरकारच्या सूचनेनुसार, टेलिकॉम ऑपरेटर हा प्री-कॉल ऑडिओ वाचतात. ‘पीटीआय’च्या अहवालात असे म्हटले आहे की कोविडची जनजागृती मोहीम २ वर्षे चालवल्यानंतर सरकार करोनाची कॉलर ट्यून बंद करणार आहे.
कॅनडाने जमैकाला ४-० असे पराभूत करत तब्बल ३६ वर्षांनंतर ‘फिफा’ विश्वचषक फुटबॉल स्पर्धेत स्थान मिळवले.
कॅनडाने १९८६ च्या विश्वचषक स्पर्धेत सहभाग नोंदवला होता. त्याआधी किंवा नंतर त्यांना या स्पर्धेसाठी पात्र ठरता आले नव्हते. यंदा मात्र त्यांनी पात्रता फेरीत अप्रतिम कामगिरी केली. ‘‘आम्ही सर्व विश्वचषकात खेळण्याचे स्वप्न पाहत होतो. आज आमचे स्वप्न पूर्ण झाले आहे. हा अनुभव अविश्वसनीय आहे,’’ असे मध्यरक्षक जोनाथन ओसोरियो म्हणाला.
विश्वचषक पात्रता फेरीच्या या सामन्यात कॅनडाकडून कायले लारिन (१३वे मिनिट), टाजोन बुकानन (४४वे मि.), ज्युनियर होइलेट (८२वे मि.) आणि अॅड्रियन मारियापा (८८ वे मि., स्वयंगोल) यांनी गोल झळकावले.
अमेरिकेचा विजय ओरलँडो : कर्णधार ख्रिस्टियन पुलिसिकने आंतरराष्ट्रीय फुटबॉलमध्ये नोंदवलेल्या पहिल्या हॅट्ट्रिकच्या जोरावर अमेरिकेने विश्वचषक पात्रतेच्या सामन्यात पनामावर ५-१ असा विजय मिळवला. ते विश्वचषक पात्रतेच्या उंबरठय़ावर आहेत.
© Maha NMK™ | Copyright 2015 - 2023 All Rights Reserved.
Made with ❤ in India.