वर्ल्ड अॅथलेटिक्सनुसार जारी केलेल्या नवीन रॅंकिंगमध्ये ऑलिम्पिक गोल्ड मेडलिस्ट नीरज चोप्रा पुरुषांच्या भालाफेक स्पर्धेत जगातील नंबर वन खेळाडू बनला आहे. नीरज चौप्राला पहिल्यांदाच हा किताब मिळाला असून त्याने पुन्हा एकदा देशाचं नाव उज्ज्व केलं आहे.
नीरजने टोक्यो ऑलिम्पिकमध्ये भारतासाठी पहिल्यांदा ट्रॅक अॅंड फिल्ड इव्हेंटमध्ये गोल्ड मेडल (सुवर्ण पदक) जिंकण्याची कमाल केली होती.
ताज्या रॅंकिंगच्या माहितीनुसार, नीरज चोप्राला १४५५ गुण मिळाले आहेत. जे आताचा वर्ल्ड चॅम्पियन एंडरसन पीटर्सच्या २२ अंकांनी जास्त आहेत. एंडरसनच्या नावावर सध्याच्या घडीला १४२२ गुण आहेत.
मागच्या आठवड्यात दोन हजारांच्या नोटा वितरणातून बाहेर करण्याचा निर्णय झाला आहे. आपल्याजवळ असलेल्या दोन हजारांच्या नोटा ३० सप्टेंबरपर्यंत बदलण्याची मुदत आहे. २०१६ मध्ये नोटबंदीचा निर्णय झाला. त्यावेळी ५०० आणि १ हजार रुपयांच्या नोटा चलनातून बाद करण्यात आल्या आहेत. आता २ हजारांच्या नोटाही बदलून घ्यायच्या आहेत. दोन हजारांच्या नोटा बदलून कशा घ्यायच्या आहेत? त्याविषयीच्या नऊ प्रश्नांची उत्तरं आम्ही तुम्हाला देणार आहोत
तर ही उत्तरं आहेत तुम्हाला पडलेल्या प्रश्नांची. २३ मे पासून नोटा बदलता येणार आहेत. मात्र मुळात हा फरक लक्षात घ्या की ही नोट बंद झालेली नाही. फक्त वितरणातून बाहेर गेली आहे. NDTV ने यासंदर्भातलं वृत्त दिलं आहे.
माजी विश्वविजेत्या विश्वनाथन आनंदने एक फेरी बाकी असतानाच शनिवारी सुपरबेट पोलंड बुद्धिबळ स्पर्धेतील जलद (रॅपिड) बुद्धिबळ स्पर्धेचे विजेतेपद पटकावले.
आनंदने सहा सामने जिंकले, तर दोन बरोबरीत सोडवत जलद प्रकारात वर्चस्व गाजवले. सहाव्या फेरीअंती पाच विजय आणि एक बरोबरी स्वीकारणाऱ्या भारताच्या आनंदने सातव्या फेरीत रोमानियाच्या डेव्हिड गॅव्हरिलेस्क्यूला २५ चालींत नामोहरम केले. मग आठव्या फेरीत अमेरिकेच्या फॅबियानो कारूआनाशी २७ चालींत बरोबरी केली.
आनंदने पहिल्या फेरीत पोलंडच्या रॅडोस्लॉ वॉजटासझेकवर विजय मिळवला. नंतर दुसऱ्या फेरीत अमेरिकेच्या वेस्ले सो याला आणि तिसऱ्या फेरीत युक्रेनच्या अँटन कारोबोव्हला हरवले. मग चौथ्या फेरीत किरिल शेव्हचेन्कोवर आणि पाचव्या फेरीत लेव्हॉन अरोनियनवर विजय मिळवला. आनंदची सलग पाच विजयांची मालिका सहाव्या फेरीत पोलंडच्या यान-क्रिझस्टोफ डुडाने खंडित केली. जलद बुद्धिबळ स्पर्धा नऊ फेऱ्यांची असून, त्यानंतर होणाऱ्या अतिजलद (ब्लिट्झ) बुद्धिबळ स्पर्धेत प्रत्येक स्पर्धक एकमेकांशी दोनदा सामना करतील.
लाइपजिगने १० खेळाडूंसह खेळूनही पिछाडीवरून जोरदार मुसंडी मारत फ्रीबर्गला पेनल्टी शूटआऊटमध्ये ४-२ अशा फरकाने पराभूत केले आणि जर्मन चषक फुटबॉल स्पर्धेचे जेतेपद मिळवले.
सामन्याच्या १९ व्या मिनिटाला मॅक्सिमिलियन एगस्टीनने गोल करत संघाला १-० अशी आघाडी मिळवून दिली. मध्यांतरापर्यंत संघाकडे ही आघाडी कायम होती. अशा स्थितीत ५७ व्या मिनिटाला मार्सेल हेस्टनबर्गला लाल कार्ड मिळाल्याने लाइपजिगला १० खेळाडूंसह खेळावे लागले. लाइपजिगकडून ख्रिस्तोफर एनकुंकुने (७६ वे मि.) गोल करीत १-१ अशी बरोबरी साधली. मग अतिरिक्त वेळेतही निकाल न लागल्याने सामना पेनल्टी शूटआऊटपर्यंत लांबला.
२००९ मध्ये स्थापन झालेल्या लाइपजिगचे हे पहिले जेतेपद आहे. लाइपजिगने गेल्या वर्षी बोरुसिया डॉर्टमंड आणि २०१९ मध्ये बायर्न म्युनिककडून अंतिम सामन्यात पराभव पत्कारला होता.
२०३० सालापर्यंत जगात हृदयविकारामुळे सर्वाधिक मृत्यू होण्याचे कुख्यात वैशिष्टय़ भारताच्या वाटय़ाला येणार असून, दर चौथा मृत्यू हृदय व रक्तवाहिन्यांसंबंधीच्या रोगांमुळे होईल, असा इशारा प्रख्यात हृदयरोगतज्ज्ञ डॉ. सी.एन. मंजुनाथ यांनी दिला.
या संकटाला तोंड देण्यासाठी ताण व्यवस्थापन आणि आरोग्यदायी जीवनशैलीच्या सवयी आत्मसात करण्यासह समग्र एकात्मिक दृष्टिकोन अंगीकारण्याचे आवाहन येथील ‘श्री जयदेव इन्स्टिटय़ूट ऑफ कार्डिओव्हॅस्क्युलर सायन्सेस’चे संचालक मंजुनाथ यांनी ‘एचएएल मेडिकॉन २०२२’ला संबोधित करताना केले. हिंदूस्तान एरॉनॉटिक्स लि.मधील डॉक्टरांसाठी ही राष्ट्रीय परिषद आयोजित केली होती.
रशियाने युक्रेनवर केलेल्या क्रूर अतिक्रमणाबाबत अमेरिकेचे अध्यक्ष जो बायडेन हे भारताचे पंतप्रधान नरेंद्र मोदी यांच्याशी द्विपक्षीय चर्चेत विधायक आणि सडेतोड चर्चा करतील, अशी माहिती रविवारी अमेरिकेचे राष्ट्रीय सुरक्षा सल्लागार जेक सुलिव्हन यांनी दिली.
टोक्योमध्ये २४ मे रोजी क्वाड नेत्यांची शिखर परिषद होत आहे. त्यानिमित्त बायडेन-मोदी यांच्यात द्विपक्षीय चर्चा होणार आहे.
भारताने गव्हाच्या निर्यातीवर बंदी घातल्याबाबत सुलिव्हन यांना विचारणा केली असता, ते म्हणाले की, क्वाड परिषदेत अन्नसुरक्षा हा चर्चेचा विषय असेल.
मोदी आणि बायडेन यांच्यात युक्रेनवर होणारी चर्चा ही काही नवी नाही. त्यांनी आधीच यावर चर्चा सुरू केली आहे. ती पुढे सुरू राहील, असे त्यांनी स्पष्ट केले.
अमेरिकेच्या राष्ट्राध्यक्षांच्या एअर फोर्स वन या विमानात ते वार्ताहरांशी बोलत होते.
दरम्यान, पंतप्रधान मोदी हे रविवारी क्वाड परिषदेसाठी रवाना झाले. बायडेन यांच्याशी होणाऱ्या चर्चेत भारत-अमेरिका संबंध दृढ केले जातील. क्वाड नेत्यांशी हिंद-प्रशांत क्षेत्र आणि जागतिक स्तरावरील घडामोडींची चर्चा केली जाईल, असे मोदी यांनी म्हटले आहे.
श्रीलंकेत दोन आठवडय़ांपासून लागू केलेली आणीबाणी शुक्रवारी (दि. २०) मध्यरात्री हटवण्यात आली. देशांतर्गत कायदा आणि सुव्यवस्थेची परिस्थिती सुधारल्याने हा निर्णय घेण्यात आला. देशात निर्माण झालेल्या अभूतपूर्व आर्थिक संकटामुळे जीवनावश्यक वस्तू्ंच्या तीव्र टंचाईमुळे प्रचंड जनक्षोभ उसळल्याने सरकारविरोधी निदर्शने होत असल्याने आणीबाणी देशभर लागू करण्यात आली होती. अध्यक्ष गोतबया राजपक्षे यांच्या राजीनाम्याची मागणी होत होती.
वाढत्या निदर्शनांच्या पार्श्वभूमीवर महिनाभरात दुसऱ्यांदा आणीबाणी लागू करण्याची नामुष्की सरकारवर आली होती. शुक्रवारी मध्यरात्रीपासून ही आणीबाणी उठवण्यात आल्याचे अध्यक्षांच्या सचिवालयातर्फे जाहीर करण्यात आले. काही दिवसांपासून सरकार समर्थक आणि विरोधकांत झालेल्या हिंसाचारात देशात नऊ जण मृत्युमुखी पडले असून, २०० जखमी झाले आहेत.
भारतातर्फे मदत - भारताने शनिवारी श्रीलंकेला आणखी ४० हजार मेट्रिक टन डिझेल देऊ केले. ही मदत कर्जसुविधेंतर्गत दिली गेली आहे. गेल्या महिन्यात भारताने श्रीलंकेस मदत म्हणून ५० कोटी डॉलरची अतिरिक्त कर्ज सुविधा इंधन आयातीसाठी दिली आहे.
कारण परकीय गंगाजळीच्या खडखडाटामुळे श्रीलंकेला आयात शुल्क देणे अशक्य झाले आहे. त्यामुळे श्रीलंकेच्या चलनाचे अवमूल्यन झाले असून, महागाई भडकली आहे. भारतीय दूतावासाने दिलेल्या माहितीनुसार भारताने जीवनावश्यक वस्तूंचे एक जहाज श्रीलंकेला रवाना केले आहे. त्यात ९००० मेट्रिक टन तांदूळ, २०० मेट्रिक टन दूध पावडर, २४ मेट्रिक टन जीवनावश्यक औषधे वगैरेंचा समावेश आहे.
© Maha NMK™ | Copyright 2015 - 2023 All Rights Reserved.
Made with ❤ in India.