चालू घडामोडी - २८ ऑगस्ट २०१७

• आज (सोमवार) पासून दर सोमवार ते शुक्रवार रात्री ९ वाजता हा कार्यक्रम प्रसारित केला जाणार आहे, मर्यादित भागांच्या ‘केबीसी ९’ या सत्रात नवीन लाइफलाइन्स व आकर्षक बदल दिसणार आहेत.

• ‘देवीयों और सज्जनों’ आणि ‘लॉक किया जाए’ ही खर्जातली आणि दमदार आवाजातील वाक्य सोनी एन्टरटेन्मेंट टेलिव्हिजनवरून पुन्हा ऐकायला मिळणार आहेत.

• कारण बॉलीवूडचे सुपरस्टार अमिताभ बच्चन ‘कौन बनेगा करोडपती’ हा भव्य कार्यक्रम घेऊन येत आहेत. कार्यक्रमाचे हे ९ वे सत्र असून त्यात स्पर्धकांना सर्वाधिक तब्बल ७ कोटी रुपये जिंकण्याची संधी मिळणार आहे.

• ‘जॅकपॉट’चा प्रश्न या वेळी ७ कोटी रुपयांचा असून या वेळी बक्षीसे धनादेशाऐवजी अ‍ॅक्सिस बँकेमार्फत थेट विजेत्याच्या खात्यात जमा केली जातील. विशेष म्हणजे स्पर्धेसाठी केवळ ७ दिवसांत तब्बल १९.८ दशलक्ष लोकांनी नोंदणी केली आहे.

• इंदिरा गांधींच्या रुपाने एक कणखर नेतृत्व देशाला मिळाले. पूर्वी अमेरिकेतून धान्य मागवले जायचे, अन्न धान्याच्या बाबतीत भारत स्वयंपूर्ण झाला पाहिजे या एकाच भूमिकेतून त्यांनी एकसूत्री कार्यक्रम राबवला.

• त्यांच्या व्यापक दृष्टीकोनामुळेच आपला देश आज स्वयंपूर्ण आहे, किंबहुना आज भारत एक पाऊल पुढे आहे. देशातला सर्वसामान्य माणूस केंद्रबिंदू ठेऊन त्यांनी राष्टÑीयकृत बँकांची निर्मिती केली.

• पंडित नेहरुंनी बाळगलेल्या स्वप्नांची पूर्तता करुन देशाला आत्मनिर्भर करण्याचा प्रयत्न केल्याचा उल्लेख केला असून मोहन प्रकाश यांनी मोदी आणि अमित शहा या जोडगोळीच्या राजकारणावर चौफेर टीका केली.

• पृथ्वीराज चव्हाण म्हणाले, इंदिराजींनी देशाला नवी दिशा दिली. हरितक्रांतीचे स्वप्न पाहिले नाही तर ते पूर्णत्वाकडे नेण्याचे काम त्यांनी केले.

• भारताच्या सुरक्षेच्या दृष्टीने स्वयंपूर्ण होण्यासाठी तत्कालिन पंतप्रधान इंदिरा गांधी यांनी देशाचा व्यापक विचार करुन अणुचाचणी करुन आपले वर्चस्व दाखवले.

• मनोहर पर्रीकर ४ हजार ८०० मतांच्या फरकाने जिंकले ४० सदस्यीय गोवा विधानसभेत भाजपचे संख्याबळ आता १४ झाले आहे, पणजीत काॅग्रेसला ५ हजार ६० मते मिळाली.

• पणजी  मतदारसंघातील पोटनिवडणुकीत  मुख्यमंत्री मनोहर पर्रीकर यांचा विजय झाला आहे, तर आरोग्यमंत्री विश्वजित राणे वाळपई मतदारसंघातून विजयी झाले आहे.

• पणजी व  वाळपई मतदारसंघातील पोटनिवडणुकीची मतमोजणी सोमवारी पार पडली. दोन्ही जागांवर काँग्रेसचा पराभव झाले असून भाजपतर्फे मुख्यमंत्री पर्रीकर सलग सहाव्यांदा पणजीत विजयी झाले आहेत.

• त्यानी काँग्रेसचे उमेदवार गिरीश चोडणकर यांचा मोठ्या मताधिक्याने पराभव केला मंत्री विश्वजित यांनी काँग्रेसचे रॉय नाईक यांना पराभूत केलं. 

• देशातील उद्योग वृद्धींगत व्हावा याकरिता चतुक्षकोणातील मार्गांना मालवाहू ट्रेनद्वारे जोडण्याचे काम केंद्राद्वारे सुरू आहे.

• वेस्टर्न डेडीकेटेड फ्रेट कोरीडोर कॉर्पोरेशन ऑफ इंडिया लिमिटेडव्दारे जोडला जाणारा दिल्ली (रेवाळी) वडोदरा मार्गावरील इलेक्ट्रिकल्स आणि मेकॅनिकलचे काम अकोल्याचे मकरंद भाकरे यांचेकडे सोपविण्यात आले.

• दिल्ली (रेवाळी) ते वडोदरा मार्गावरील इलेक्ट्रिकल्स बाबतची जबाबदारी वेस्टर्न डेडीकेटेड फ्रेट कोरीडोर कॉर्पोरेशन ऑफ इंडिया लि.च्या प्रोजेक्टनुसार रेवाळी येथे कार्यरत अकोल्याचे मकरंद भाकरे यांचेकडे दिलेली आहे.

• त्याकरिता लागणारे पार्ट खरेदीकरण्यापूर्वी त्यांची तपासणी करण्याकरिता त्यांना जपान येथे १० दिवसीय दौऱ्यावर पाठविण्यात आले आहे.

• पहिल्या फेजमध्ये दिल्ली ते वडोदरा या ९५० कि.मी. मालवाहू रेल्वे मार्गाचे काम सुरू आहे.

• केंद्र सरकारच्या उपक्रमानुसार देशातील मोठ्या शहरांना जसेकी दिल्ली ते कोलकत्ता, दिल्ली ते मुंबई, मुंबई ते मद्रास, मद्रास ते कोलकत्ता या व त्यामार्गे येणाऱ्या शहरांना रेल्वे मार्गांनी जोडून मालवाहू रेल्वेव्दारे उद्योगवृद्धीसाठी प्राधान्य दिले जाणार आहे.

• थायलंडच्या पहिल्या महिला पंतप्रधान आणि गेल्या साठ वर्षातील थायलंडच्या सर्वात तरुण पंतप्रधान होण्याचा मान त्यांना मिळाला यिंगलुक यांचे वडिल लोएट शिनावात्राही थायलंड संसदेचे सदस्य होते.

• न्यायालयाची कारवाई आणि संभाव्य कारावास टाळण्यासाठी थायलंडच्या माजी पंतप्रधान यिंगलुक शिनावात्रा यांनी पलायन केले आहे असून कालपासून त्या देशाबाहेर गेल्याची चर्चा होत होती.

• आता त्या सिंगापूरमार्गे दुबईला पळून गेल्याचे स्पष्ट झाले आहे, दुबईमध्ये त्यांचे बंधू आणि थायलंडचे माजी पंतप्रधान थाकसिन शिनावात्रा यांनीही आश्रय घेतला आहे.

• २०११ साली त्या देशाच्या २८ व्या पंतप्रधान म्हणून निवडल्या गेल्या होत्या.

• आता यिंगलुक इंग्लंडकडे आश्रय देण्याची विनंती करण्याची शक्यता वर्तवली जात आहे. यिंगलुक अशाप्रकारे पळून गेल्यामुळे थायलंडची जनता आश्चर्य व्यक्त करत आहे.

• इस्लामिक स्टेट (इसिस) या जागतिक दहशतवादी संघटनेचे सैन्यास इराकी सैन्याने पराजित केले असून इराकमधील एक महत्त्वपूर्ण शहर असलेल्या ताल अफारवर इराकी सैन्याने नियंत्रण मिळविल्याचे वृत्त सूत्रांनी दिले आहे.

• या शहराच्या मध्यवर्ती भागामध्ये इराकचे सैन्य घुसले असून शहरामधील ऐतिहासिक किल्लाही जिंकण्यात इराकी सैन्यास यश आले आहे.

• जुलै महिन्यात मोसूल या इराकमधील शहरामध्ये इसिसविरोधात निर्णायक जय मिळविल्यानंतर आत्मविश्‍वास वाढलेल्या इराकी सैन्याने उर्वरित देशामध्येही आपली पकड अधिक मजबूत करण्याच्या उद्देशार्थ कारवाई सुरु केली आहे.

• पश्‍चिम आशियातील ओटोमान तुर्क साम्राज्य काळात बांधण्यात आलेला हा किल्ला आहे, या किल्ल्यावर पुन्हा एकदा इराकचा झेंडा फडकाविण्यात आला आहे.

• डेरा सच्चा सौदाचे प्रमुख गुरमीत राम रहीम यांना बलात्कार प्रकरणी न्यायालयाने दोषी ठरविल्यानंतर सोमवारी तुरुंगातच न्यायालय भरवून शिक्षा सुनावण्यात येणार आहे.

• या पार्श्वभूमीवर राज्यात प्रचंड बंदोबस्त ठेवण्यात आला आहे, न्यायाधीशांना विशेष हेलिकॉप्टरने रोहतकच्या तुरुंगात नेण्यात येणार आहे.

• डेराचे मुख्यालय असलेल्या सिरसा शहरात संचारबंदी लागू करण्यात आली आहे, राज्यात हिंसाचारामुळे आतापर्यंत ३६ जणांचा मृत्यू झाला आहे.

• पंचकुला, सिरसा, मनेसर या शहरात लष्करास पाचारण करण्यात आले असून ज्या तुरुंगात शिक्षा सुनावण्यात येणार आहे तो सुनारिया तुरुंग रोहतक शहराच्या बाहेरच्या भागात आहे.

• रोहतकमध्ये कलम १४४ लागू करण्यात आलेले आहे. डेराच्या राज्यातील प्रमुख पदाधिका-यांना ताब्यात घेण्यात आले आहे.

• डेरा सच्चा सौदाचा प्रमुख गुरमित राम रहीम सिंग याला कठोरातील कठोर शिक्षा व्हावी यासाठी त्याला जन्मठेपेची शिक्षा द्यावी, अशी मागणी सीबीआय कोर्टाकडे करण्याची शक्यता आहे.  

जागतिक दिवस

• -

जन्म /वाढदिवस

• एम. जी. के. मेनन, भारतीय पदार्थवैज्ञानिक : २८ ऑगस्ट १९२८

• पॉल मार्टिन, कॅनडाचा पंतप्रधान : २८ ऑगस्ट १९३८

मृत्यू/पुण्यतिथी/स्मृतीदिन

• रावसाहेब पटवर्धन, भारतीय स्वातंत्र्यसैनिक, विचारवंत : २८ ऑगस्ट १९६९

• व्यंकटेश माडगूळकर, मराठी लेखक, चित्रकार, शिकारी, पटकथाकार : २८ ऑगस्ट २००१

ठळक घटना

• व्यंकटेश दिगंबर माडगूळकर : (६ जुलै १९२७ - २८ ऑगस्ट २००१) हे मराठी लेखक आणि चित्रकार होते. त्यांनी कथा, कादंबऱ्या, प्रवासवर्णनांसह चित्रपटांसाठी पटकथाही लिहिल्या. व्यंकटेश माडगूळकर यांना शिकारीचा छंद होता.त्यांनी काही पुस्तके त्यांच्या जंगल भ्रमंतीच्या अनुभवांवर लिहिली आहेत.