चालू घडामोडी आणि दिनविशेष - २७ जून २०१९

• भोपाळ: देशभरात जमावाकडून होणाऱ्या हत्यांचं प्रमाण वाढत आहे. जमावाकडून कायदा हाती घेतला जात असल्यानं सुरक्षेचा मुद्दा वारंवार उपस्थित होत आहे.

• अशा घटना टाळण्यासाठी मध्य प्रदेश सरकार कठोर कायदा करणार आहे.

• कथित गोरक्षकांकडून करण्यात येणाऱ्या हत्या रोखण्यासाठी मध्य प्रदेश सरकार विधानसभेच्या पावसाळी अधिवेशनात कायदा मंजूर करणार आहे. (src : lokmat)

• एका अमेरिकन डॉलरच्या तुलनेत पाकिस्तानी रुपयाची किंमत 164 रुपयांवर इतकी झाली आहे.

• ही किंमत इंटर बॅंकिंग ट्रेडमध्ये रुपयाची ही किंमत आहे तर खुल्या बाजारातही डॉलर 160च्या वर गेला आहे.

• पाकिस्तानमध्ये या आठवड्यात सोन्याच्या किमतीतही वाढ झाली आहे. पाकिस्तानात 12 ग्रॅम सोन्याची किंमत 80,500 रुपये इतकी आहे.

• पाकिस्तानची परकीय गंगाजळी 7.6 अब्ज डॉलर इतकी आहे.

• विश्वचषकाच्या रणांगणात टीम इंडियाचा सामना आज जेसन होल्डरच्या वेस्ट इंडिजशी होत आहे.

• पहिल्या पाच सामन्यात अपराजित असलेल्या भारतीय संघाने उपांत्य फेरीच्या शर्यतीत आपलं स्थान कायम राखलं आहे.

• विश्वचषकाच्या गुणतालिकेत भारत तिसऱ्या स्थानावर असून, भारताच्या खात्यात चार विजय आणि एका रद्द सामन्याचे मिळून नऊ गुण आहेत.

• आता विंडीजविरुद्धचा सामना जिंकला की, टीम इंडियाचं उपांत्य फेरीचं तिकीट पक्कं म्हणायचं.

• इजिप्तचे माजी राष्ट्रपती मोहम्मद मोर्सी यांचं न्यायालयातच निधन झालं. देशाच्या सरकारी वृत्तवाहिनीने ही माहिती दिली.

• गुप्तहेरीच्या आरोपाच्या सुनावणीसाठी 67 वर्षीय मोहम्मद मोर्सी न्यायालयात हजर होते. त्यावेळी अचानक ते बेशुद्ध झाले आणि त्यांचा मृत्यू झाला.

• मोहम्मद मोर्सीवर फलस्तिनी इस्लामवादी संघटना हमाससोबत संपर्क असल्याचा आणि गुप्तहेरीचा आरोप होता.

• तर 2012 मध्ये आंदोलनात मृत्यूमुखी पडलेल्या एका व्यक्तीच्या हत्येसाठी ते 20 वर्षांची शिक्षा भोगत होते.

• ३ एप्रिल १९१४ साली सॅम माणेकशा यांचा जन्म अमृतसरमधील एका पारशी कुंटुंबामध्ये झाला.

• भारतीय लष्करामध्ये फाइव्ह स्टारपर्यंतची बढती मिळून फिल्ड मार्शल झालेले ते पहिले अधिकारी ठरले

• सॅम चाळीस वर्षे भारतीय लष्करात कार्यरत होते

• त्यांनी पाच मोठ्या लढाया लढल्या यामध्ये दुसरे महायुद्ध, १९४७चे भारत-पाकिस्तान युद्ध, १९६२चे भारत-चीन युद्ध, १९६५चे भारत- पाकिस्तान युद्ध आणि १९७१चे बांगलादेश स्वतंत्र्य झाला ते भारत आणि पाकिस्तानमधील युद्धाचा समावेश होतो.

• वेलिंग्टन येथील लष्करी रुग्णालयात २७ जून २००८ साली न्यूमोनियाच्या उपचारादम्यान त्यांचा मृत्यू झाला

महत्वाच्या घटना 

• १९५०: अमेरिकेने कोरियन युद्धात आपले सैन्य पाठवण्याचा निर्णय घेतला.

• १९५४: अणुशक्तीवर चालणारे जगातील पहिले विद्युत केंद्र मॉस्कोजवळ ओब‍निन्स्क येथे सुरू झाले.

• १९७७: जिबुटी देश फ्रान्सपासून स्वतंत्र झाला.

• १९९१: युगोस्लाव्हियाने स्लोव्हेनियावर आक्रमण केले.

• १९९६: अर्थतज्ज्ञ द. रा. पेंडसे यांना महाराष्ट्र चेंबर ऑफ कॉमर्सचा सन्मान.

जन्म 

• १५५०: फ्रान्सचा राजा चार्ल्स (नववा) यांचा जन्म. (मृत्यू: ३० मे १५७४)

• १८३८: बंगाली कादंबरीकार, कवी, लेखक आणि पत्रकार बंकिमचंद्र चट्टोपाध्याय यांचा जन्म. (मृत्यू: ८ एप्रिल१८९४)

• १८६४: काळ या साप्ताहिकाचे संपादक शिवराम महादेव परांजपे याचं जन्म. (मृत्यू: २७ सप्टेंबर १९२९)

• १८६९: नोबेल पारितोषिक विजेते जर्मन प्राणीशास्त्रज्ञ हॅन्स स्पेमन यांचा जन्म.

• १८७५: दत्तात्रेय कोंडो घाटे ऊर्फ कवी दत्त यांचा जन्म. (मृत्यू: १३ मार्च १८९९)

• १८८०: अंध-मूकबधिर असूनही कला शाखेची पदवी मिळवलेल्या पहिल्या व्यक्ती, समाजसेविका शिक्षिका हेलन केलर यांचा जन्म. (मृत्यू: १ जून १९६८)

• १९१७: आक्रमक डावखुरे फलंदाज खंडू रांगणेकर यांचा जन्म. (मृत्यू: ११ ऑक्टोबर १९८४)

• १९६२: भारतीय-कॅनडातील उद्योगपती सुनंदा पुष्कर यांचा  जन्म. (मृत्यू: १७ जानेवारी २०१४)

मृत्यू 

• १७०८: मराठा साम्राज्यातील सेनापती धनाजी जाधव यांचे निधन.

• १८३९: सिख साम्राज्याचे संस्थापक रणजितसिंग यांचे निधन. (जन्म: १३ नोव्हेंबर १७८०)

• २०००: शिक्षणतज्ञ व चरित्रकार द. न. गोखले यांचे निधन.

• २००२: भारताचे १०वे उपराष्ट्रपती कृष्णन कंत यांचे निधन. (जन्म: २८ फेब्रुवारी १९२७)

• २००८: फील्ड मार्शल सॅम माणेकशाॅ यांचे निधन. (जन्म: ३ एप्रिल १९१४)