चालू घडामोडी - १७ जुलै २०१७

• दोन वर्षांच्या कालावधीनंतर भारतीय क्रिकेट संघाच्या प्रशिक्षकपदासाठी अर्ज करण्यास उत्सूक राहू शकतो, असे आॅस्ट्रेलियाचा माजी वेगवान गोलंदाज जेसन गिलेस्पीने म्हटले आहे.

• रवी शास्त्री यांची ११ जुलै रोजी भारतीय क्रिकेट संघाच्या मुख्य प्रशिक्षकपदी नियुक्ती करण्यात आली असून शास्त्री आता कुंबळे यांचे स्थान घेतली.

• कुंबळे यांनी विराटसोबत मतभेद झाल्यानंतर पदाचा राजीनामा दिला होता.

• गिलेस्पी म्हणाला, ‘यावेळी या पदासाठी अर्ज करायचा किंवा नाही, याबाबत मला निर्णय घेता आला नाही.

• बालगंधर्व संगीत रसिक मंडळातर्फे ज्येष्ठ गायिका बकुळ पंडित यांना केंद्रीय रेल्वेमंत्री सुरेश प्रभू यांच्या हस्ते यंदाचा बालगंधर्व गुणगौरव पुरस्कार देऊन सन्मानित करण्यात आले.

• गायक पंडित रघुनंदन पणशीकर यांना देवगंधर्व भास्करबुवा बखले पुरस्कार प्रदान करण्यात आला.

• अण्णासाहेब किर्लोस्कर पुरस्कार गोव्याच्या आप्पा बाबलो गावकर तर डॉ. सावळो केणी पुरस्कार डोंबिवलीच्या धनंजय पुराणिक यांना देण्यात आला.

• गोविंद बल्लाळ पुरस्काराने मुंबईच्या शुभदा दादरकर, काकासाहेब खाडिलकर पुरस्कारने पुण्याच्या कविता टिकेकर, खाऊवाले पाटणकर पुरस्काराने गोव्याच्या राया कोरगावकर, रंगसेवा पुरस्काराने पुण्याचे सयाजी शेंडकर आणि गोव्याचे लक्ष्मण म्हांबरे यांना गौरविण्यात आले.

• तसेच पुरस्कारांचे स्वरुप प्रत्येकी ५ हजार रुपये रोख आणि स्मृतिचिन्ह असे आहे.

• पंतप्रधान नरेंद्र मोदी यांनी राष्ट्रीय लोकशाही आघाडीचे राष्ट्रपतिपदाचे उमेदवार रामनाथ कोविंद यांचे निवडणुकीपूर्वीच अभिनंदन केले असून सरकारकडून संपूर्ण सहकार्य करण्यात येईल, असे आश्वासन पंतप्रधान मोदींनी कोविंद यांना दिले आहे.

• या बैठकीला रामनाथ कोविंददेखील उपस्थित होते. ‘बिहारचे माजी राज्यपाल असलेल्या रामनाथ कोविंद यांनी मोरारजी देसाई पंतप्रधान असताना त्यांचे सहकारी म्हणून काम केले आहे. 

• भाजप आणि भाजपच्या मित्रपक्षांच्या मतांची बेरीज केल्यास कोविंद यांना दोन तृतीयांश मते मिळू शकतात. त्यामुळे कोविंद यांचा विजय निश्चित मानला जातो आहे.

• ‘पंतप्रधान नरेंद्र मोदी यांनी राष्ट्रपतिपदाच्या निवडणुकीपूर्वीच रामनाथ कोविंद यांचे अभिनंदन केले आहे,’ अशी माहिती संसदीय कामकाज मंत्री अनंत कुमार यांनी दिली आहे.

• यावर भाष्य करताना ‘रामनाथ कोविंद यांना देशातील ४० पक्षांचा पाठिंबा आहे. बिहार, तमिळनाडू, ओदिशासारख्या बिगरभाजप मुख्यमंत्र्यांनीदेखील कोविंद यांच्या उमेदवारीला पाठिंबा दिला आहे,’ असे अनंत कुमार यांनी म्हटले. 

• आयफा अवॉर्ड २०१७ च्या रंगारंग पुरस्कार सोहळ्यात अभिनेता शाहिद कपूर आणि अभिनेत्री आलिया भट्ट या दोघांनी अनुक्रमे सर्वोत्कृष्ट अभिनेता आणि सर्वोत्कृष्ट अभिनेत्रीच्या पुरस्कार पटकाविले.

• 'उडता पंजाब' साठी शाहिदला बेस्ट अ‍ॅक्टरच्या आयफा ट्रॉफीने गौरविण्यात आले. आलियाला याच चित्रपटासाठी सर्वोत्कृष्ट अभिनेत्रीचा पुरस्कार मिळाला.

• 'पिंक'चे दिग्दर्शक अनिरूद्ध रॉय चौधरी यांना बेस्ट डायरेक्टरची आयफा ट्रॉफी मिळाली. तसेच सोनम कपूरच्या 'नीरजा' चित्रपटाला सर्वोत्कृष्ट चित्रपटाचा पुरस्कार मिळाला.

• आयफा अवॉर्ड सोहळ्यात तापसी पन्नूला 'वूमन ऑफ द इयर'च्या पुरस्काराने गौरविण्यात आले.

• अभिनेता वरूण धवन याला 'ढिशूम'मधील भूमिकेसाठी बेस्ट कॉमिक अ‍ॅक्टरच्या पुरस्काराने गौरविण्यात आले.

• यशवंतराव चव्हाण प्रतिष्ठानमध्ये 'जागतिक युवा कौशल्य दिना'निमित्त १५ जुलै रोजीच्या आयोजित कार्यक्रमात कौशल्य विकास व उद्योजकतामंत्री संभाजी पाटील-निलंगेकर बोलत होते.

• राज्यातील तरुणांना उत्तम व दर्जेदार कुशल प्रशिक्षण देण्यासाठी विविध उपक्रम राज्यात राबविण्यात येत असून, आगामी काळात रोजगारयुक्त महाराष्ट्र घडावा, यासाठी कौशल्य विभाग कटिबद्ध आहे, अशी ग्वाही कौशल्य विकास व उद्योजकतामंत्री संभाजी निलंगेकर-पाटील यांनी दिली.

• कौशल्य विकास व उद्योजकतामंत्री निलंगेकर-पाटील म्हणाले की, भारत हा एकमेव देश असेल, जो प्रशिक्षित कुशल मनुष्यबळ निर्माण करणारा आहे. महाराष्ट्रात मुख्यमंत्री देवेंद्र फडणवीस यांच्या नेतृत्वाखाली राज्यातील युवकांना कुशल प्रशिक्षण देण्यावर आम्ही भर देत आहोत.

• 'मेक इन इंडिया'नंतर कौशल्य विकास विभागाचे ६२ सामंजस्य करार झाले असून, त्यापैकी ५८ करार कार्यन्वित झाले आहेत.

• भारताच्या हरिंदर पाल संधूने आपली विजयी घोडदौड कायम राखताना दोन आठवडय़ांमध्ये दुसऱ्यांदा विजेतेपदाला गवसणी घातली.

• हरिंदरने ७७ मिनिटे चाललेल्या अंतिम फेरीच्या सामन्यात अग्रमानांकन लाभलेल्या ऑस्ट्रेलियाच्या रेक्स हेड्रिकचा १२-१४, ११-३, ११-४, ११-७ असा पराभव केला आणि मेलबर्न येथे सुरू असलेल्या व्हिक्टोरियन खुली स्क्वॉश स्पर्धा जिंकली.

• संधूने एकही गेम न गमावता अंतिम फेरीपर्यंत मजल मारली होती. मात्र अखेरच्या सामन्यात त्याला सुरुवातीला संघर्ष करावा लागला. पहिल्याच गेममध्ये प्रदीर्घ काळ दोघांमध्ये आक्रमकपणे झुंज रंगली. हेड्रिकने पहिला गेम अतिरिक्त गुणांसह जिंकला.

• गेल्या आठवडय़ात दक्षिण ऑस्ट्रेलियन स्पर्धा जिंकणाऱ्या तिसऱ्या मानांकित संधूने दुसरा गेम मात्र ११-३ अशा पद्धतीने आरामात जिंकला.

जागतिक दिवस

• संविधान दिन: दक्षिण कोरिया.

जन्म, वाढदिवस

• डेव्हिड हॅसेलहॉफ, अमेरिकन अभिनेता : १७ जुलै १९५२

मृत्यू, पुण्यतिथी, स्मृतीदिन

• अ‍ॅडम स्मिथ, आधुनिक अर्थशास्त्रज्ञ : १७ जुलै १७९०

• मृणाल गोरे, सहाव्या लोकसभेच्या सदस्य, समाजवादी कार्यकर्त्या : १७ जुलै २०१२

ठळक घटना 

• मराठी भाषेतील पहिला छापील मजकुर मोडी लिपीत. देवी रोगावरील लस टोचून घेण्याविषयीची जाहिरात : १७ जुलै १८०२

• फुटबॉल विश्वकप अंतिम सामन्यात ब्राझिलने इटलीला पेनल्टी शूट-आउटमध्ये हरवले : १७ जुलै १९९४