चालू घडामोडी - १५ सप्टेंबर २०१७

• २०२४ आणि २०२८ सालच्या ऑलिम्पिक स्पर्धांसाठी यजमान शहरांची निवड करण्यात आले असून २०२८ साठी पॅरिस, तर २०२८ साठी लॉस एंजेलिसच्या नावावर आंतरराष्ट्रीय ऑलिम्पिक समितीनं शिक्कामोर्तब केलं.

• पेरुची राजधानी लिमामध्ये झालेल्या आंतरराष्ट्रीय ऑलिम्पिक समितीच्या बैठकीत हा निर्णय घेण्यात आला असून लागोपाठ दोन ऑलिम्पिकची यजमान शहरं एकाचवेळी जाहीर करण्याची ही पहिलीच वेळ होती.

• याआधी पॅरिसमध्ये १९२४ साली ऑलिम्पिकचं आयोजन करण्यात आलं होतं, त्यानंतर नेमक्या शंभर वर्षांनी फ्रान्सच्या राजधानीत पुन्हा ऑलिम्पिकचं आयोजन करण्यात येईल.

• २०२० साली होणाऱ्या ऑलिम्पिक स्पर्धा जपानमधील टोकियो शहरात घेतल्या जाणार आहेत.

• लॉस एंजेलिसमध्ये याआधी १९३२ आणि १९८४ साली ऑलिम्पिकचं आयोजन करण्यात आलं होतं. त्यामुळे २०२८ साली लॉस एंजेलिसमध्ये तिसऱ्यांदा ऑलिम्पिकचं आयोजन करण्यात येईल.

• एबीसीच्या व्यवस्थापकीय परिषदेवर सदस्य म्हणून प्रकाशक गटातून निवड झालेल्या सदस्यांत लोकमत मीडियाचे देवेंद्र दर्डा यांच्याबरोबरच आय. वेंकट, शैलेश गुप्ता, बिनॉय रॉयचौधरी, चंदन मजुमदार, राजकुमार जैन, प्रताप पवार यांचा समावेश आहे.

• आॅडिट ब्युरो आॅफ सर्क्युलेशनच्या अध्यक्षपदी कोका कोलाच्या नेर्ऋत्य आशिया विभागाचे उपाध्यक्ष (आॅपरेशन्स) देवव्रत मुखर्जी तर उपाध्यक्षपदी मुंबई समाचारचे होरमसजी कामा यांची निवड झाली आहे.

• हेमंत मलिक, संदीप टर्कस व मयंक परिक हे जाहिरात प्रतिनिधी गटातून निवडून गेले असून या नेमणुका एका वर्षासाठी आहेत, होरमुज्द मसानी हे सेक्रेटरी जनरल असतील.

• जाहिरात कंपन्यांच्या गटातून मधुकर कामत, शशीधर सिन्हा, श्रीनिवास स्वामी, सीव्हीएल श्रीनिवास यांची निवड झाली आहे.

• देशभरातील १.५५ लाख टपाल कार्यालयांमध्ये पेमेंट बँक सुरू करण्यात येणार असून याद्वारे सर्व आर्थिक सेवा पुरवण्यात येणार आहेत.

• २०१८ अखेरीपर्यंत १.५५ लाख टपाल कार्यालये आणि तीन लाख कर्मचाऱ्यांमार्फत ही सेवा दिली जाईल.

• भारतीय टपाल विभागाची इंडिया पोस्ट पेमेंट बँक (आयपीपीबी) वेगाने विस्तार करणार असून इंडिया पोस्ट पेमेंट बँक ही देशातील दुसरी सर्वात मोठी बँक असेल.

• इंडिया पोस्ट पेमेंट बँकेचे मुख्य कार्यकारी अधिकारी ए.पी. सिंह यांनी संयुक्त राष्ट्र संघात आयोजित एका कार्यक्रमात ही माहिती दिली.

• पोस्टमन आणि ग्रामीण टपाल सेवकांकडे पेमेंट सुविधा देणारी उपकरणे असणार आहेत.

• मार्च २०१८ पर्यंत प्रत्येक जिल्ह्यात पोस्ट बँक सुरू होईल. सर्व १.५५ लाख टपाल कार्यालयांत पेमेंट बँकची सुविधा देण्यात येईल.

• 'साउथ एशिया डेन्सू एजीस नेटवर्क'चे अध्यक्ष आणि मुख्य कार्यकारी अधिकारी आशिष भसीन यांची संस्थेचे अध्यक्ष म्हणून निवड झाली. ही निवड २०१७-१८ या वर्षासाठी आहे.

• माध्यम सर्वेक्षणात अग्रेसर असलेल्या 'मीडिया रिसर्च यूझर्स काउन्सिल' (एमआरयूसी) या संस्थेच्या उपाध्यक्षपदी 'सकाळ'चे अध्यक्ष प्रतापराव पवार यांची निवड करण्यात आली आहे.

• मुंबईत १३ सप्टेंबर रोजी झालेल्या 'एमआरयूसी'च्या सभेत पवार यांच्या निवडीची घोषणा करण्यात आली. पवार या आधी 'एमआरयूसी'च्या संचालक मंडळात प्रकाशकांचे प्रतिनिधी म्हणून कार्यरत होते.

• तसेच इंडियन रीडरशिप सर्व्हे (आयआरएस) हे भारतातल्या वृत्तपत्र वाचकांचे सर्वांत मोठे आणि सर्वांत विश्‍वासार्ह सर्वेक्षण 'एमआरयूसी'च्या वतीने केले जाते.

• 'एमआरयूसी' गेल्या दोन दशकांपासून माध्यम क्षेत्रातील विविध पैलूंवर शास्त्रशुद्ध सर्वेक्षण करत आहे.

• जम्मू काश्मीरमधील आरएस पुरा सेक्टरमधील अरनिया परिसरात पाकिस्तानकडून शस्त्रसंधीचं उल्लंघन करण्यात आले आहे.

• पाकिस्तानकडून करण्यात आलेल्या गोळीबारात एक जवान शहीद झाल्याचे वृत्त समोर आले असून बिजेंद्र बहादूर सिंह असे शहीद झालेल्या जवानाचं नाव आहे.

• बिजेंद्र बहादूर सिंह हे सीमा सुरक्षा दलात कॉन्स्टेबल म्हणून कार्यरत होते.

जागतिक दिवस

• अभियंता दिन : भारतात मोक्षगुंडम विश्वेश्वरैया यांचा जन्मदिवस हा अभियंता दिन म्हणून पाळला जातो.

जन्म /वाढदिवस

• दगडू मारुती तथा दया पवार, दलित साहित्यिक : १५ सप्टेंबर १९३५

• पद्मश्री दाजी भाटवडेकर, मराठी रंगभूमीवरील नटश्रेष्ठ : १५ सप्टेंबर १९२१

• सर मोक्षगुंडम विश्वेश्वरैया, भारतीय अभियंता : १५ सप्टेंबर १८६०

मृत्यू/पुण्यतिथी/स्मृतीदि

• प्रा. गंगाधर गाडगीळ, ज्येष्ठ साहित्यिक व नवकथाकार : १५ सप्टेंबर २००८

ठळक घटना

• एम.सी.आय. कम्युनिकेशन्स आणि वर्ल्डकॉम या कंपनीचे एकत्रीकरण : १५ सप्टेंबर १९९८

• भारतातील दून स्कूलची स्थापना : १५ सप्टेंबर १९३५