चालू घडामोडी - ०६ जुलै २०१७

• भारताचा स्टार खेळाडू पंकज अडवाणी याने बुधवारी येथे लक्ष्मण रावतच्या साथीने अंतिम फेरीत पाकिस्तानला धूळ चारत आशियाई सांघिक स्नूकर चॅम्पियनशिप जिंकली.

• सर्वात आधी अडवाणीने मोहंमद बिलालविरुद्ध जबरदस्त कामगिरी केली असून पाकिस्तानी खेळाडूने अडवाणीविरुद्ध फाऊलने पहिलागुण मिळवला; परंतु भारतीय खेळाडूने ८३ च्या शानदार ब्रेकने जोरदार मुसंडी मारत बेस्ट आॅफ फाइव्ह फायनलमध्ये पहिला फ्रेम आपल्या नावावर केला.

• दुसरीकडे त्याचा सहकारी रावतनेदेखील अशाच प्रकारची सर्वोत्तम कामगिरी करताना निराश केले नाही. त्याने संधीचे सोने करताना बाबर मसिह याला धूळ चारली.

• व्यापार आणि उद्योगांमध्ये ‘आय’ म्हणजे ‘आय’, पण मी आय म्हणजे इंडिया आणि आय म्हणजे इस्रायल असे संबोधू इच्छितो.

• इंडिया इस्रायलसोबत आणि इंडिया इस्रायलसाठी असा त्याचा अर्थ होतो, असा मैत्रीचा नवा मंत्री पंतप्रधान नरेंद्र मोदी यांनी इस्रायलचे राष्ट्रपती रुवेन रिवलीन यांची भेट घेतल्यानंतर घोषित केला.

• मोदी आणि रिवलीन यांच्या द्विपक्षीय संबंध दृढ करण्यासंबंधी चर्चाही झाली. तसेच रिवलीन यांनी नोव्हेंबरमध्ये भारतात आल्याच्या आठवणींनाही उजाळा दिला. मोदी म्हणाले की, ‘‘राष्ट्रपती रिवलीन यांनी स्वत: रस्त्यावर येऊन माझे स्वागत करणे हा माझा सन्मान नाही तर सव्वाशे कोटी भारतीय जनतेचा सन्मान आहे.’’

• मोदी यांनी रिवलीन यांच्या निवासस्थानी असलेल्या गेस्टबुकमधील संदेशात लिहिले की, ‘‘रिवलीन यांची भेट अत्यंत उत्साहवर्धक होती. त्यांनी नोव्हेंबरमध्ये केलेल्या भारत दौऱ्याची यावेळी आवर्जून आठवण होते.

• यावेळी इस्रायली तंत्रज्ञानाचा वापर करून ‘मेक इन इंडिया’ योजना आणखी सक्षम बनविण्याचा मानसही यावेळी व्यक्त करण्यात आला.

• दीप्ती शर्मा आणि कर्णधार मिताली राज यांच्या शानदार अर्धशतकानंतर गोलंदाजांनी केलेल्या अचूक माऱ्याच्या जोरावर भारतीय संघाने महिला विश्वचषक क्रिकेट स्पर्धेत सलग चौथा विजय मिळवताना श्रीलंकेला १६ धावांनी नमवले.

• भारताने प्रथम ५० षटकात ८ बाद २३२ धावा उभारल्यानंतर, श्रीलंकेमे ५० षटकात ७ बाद २१६ धावा काढल्या.

• धावांचा पाठलाग करताना लंकेने सावध सुरुवात केली. दिलानी मनोदरा (६१), शशिकला सिरिवर्देने (३७) आणि निपुनी हंसिका (२९) यांच्या जोरावर श्रीलंकेने आपले आव्हान कायम राखले होते.

• अनुभवी गोलंदाज झुलन गोस्वामी आणि पुनम यादव यांनी मोक्याच्यावेळी प्रत्येकी २ बळी घेत लंकेची कोंडी केली असून दीप्ती आणि एकता बिस्त यांनीही प्रत्येकी एक बळी घेत चांगला मारा केला. 

• सिक्किमच्या सीमेलगत असलेल्या डोका ला प्रदेशात चीनने सुरू केलेल्या रस्ता बांधणीवरून भारत आणि चीनच्या सैनिकांमध्ये गेले सुमारे महिनाभर तणातणी सुरू आहे. 

• मात्र, या प्रश्नी चीनसमोर झुकायचं नाही असे स्पष्ट करत हा प्रश्न केवळ कुटनीतीच्या माध्यमातूनच सिक्किम विवादावर तोडगा निघेल, अशी स्पष्ट भूमिका भारतानं घेतली आहे.  

• बुधवारी संरक्षण राज्यमंत्री सुभाष भामरे यांनी सांगितले की,  हा मुद्दा कुटनीतीच्या माध्यमातून सोडवला जाऊ शकतो.

• चीनमधील सैनिकांनी तेथेच राहावे जेथे ते सुरुवातीपासून होते. त्यांनी भुतान परिसरात घुसखोरी केली आहे. त्यांनी या परिसरात येऊ नये. हा आमच्या सुरक्षेचा प्रश्न आहे आणि हीच आमची भूमिका आहे.

• पंतप्रधान नरेंद्र मोदी तीन दिवसांच्या इस्रायल दौऱ्यावर आहेत, दुसऱ्या दिवशी कन्वेन्शन सेंटरमध्ये भारतीय समुदायाच्या नागरिकांना संबोधित करताना मोदींनी इस्रायलमध्ये प्रकाशित होणाऱ्या ‘मायबोली’ या मराठी नियतकालिकाचा उल्लेख केला.

• ‘इस्रायलमध्ये मायबोली या मराठी भाषेतील नियतकालिकाचं प्रकाशन होत असल्याचं ऐकून आनंद झाला.

• नोआ मोसिल हे मायबोलीचे संपादक आहेत. विशेष म्हणजे गेल्या ४५ वर्षांपासून जेरुसलेममध्ये या अंकाचं नियमित प्रकाशन होतं.

• नोआ मोसिल हे मराठी भाषिक ज्यू आहेत. त्यांचा जन्म आणि शिक्षण महाडमधील तळा गावात झालं आहे.

जन्म, वाढदिवस

• आचार्य प्रफ़ुल्ल चंद्र रॉय स्मृतिदिन : ०६ जून १९४४

• हिंद महासभेचे नेते व जैन संघाचे पहिले अध्यक्ष डॉ. शामाप्रसाद मुखर्जी यांचा जन्म : ०६ जून १९०१

• लक्ष्मीबाई केळकर, भारतीय समाजसेविका, राष्ट्रसेविका समितीच्या संस्थापिका : ०६ जून १९०५

मृत्यू, पुण्यतिथी, स्मृतीदिन

• धीरूभाई अंबानी, भारतीय उद्योगपती : ०६ जून २००२

• जगजीवनराम, भारतीय राजकारणी : ०६ जून १९८६

ठळक घटना

• दादाभाई नौरोजींची ब्रिटीश संसदेचे सर्वप्रथम भारतीय सभासद म्हणून निवड : ०६ जून १८९२

• भारत व तिबेटमधील नथु ला खिंड व्यापारास खुली : ०६ जून २००६